الرئيسية
البوابة
أحدث الصور
التسجيل
دخول
من طرف راية الدم
جرح ينطي لجرح راية نزيف الدم
ويبگه ابناي حزنه ايناغم البلسم
يگله الـ هالوطن طيفك يمر يا يوم
ملّ ايريد راحة ابوكت ما يرحم
خلص وانباع عمره ابرخص طاري السوم
وايشوف ابرگبته انبرد سيف الهم
يدگ حنظل زمانه وچفه هاون موت
ومن عنده اشيقدم لازمن يلهم
يغص بانفاس صدره ومن يريد ايگوم
حيله بدون حيل ولو مشه امگرّّم
يفك الجام خيله ولنها بالمگلوب
ترجع بالعكس واردود تتلجم
يخف منگال جدمه امسابگ اوي الليل
حتى ايطر صباحه الـ بالظلام انظم
حتى ايشوف شمسه الما بگت تنشاف
وبلچي ايشوف ثغره ابضحكه يتبسم
على اشفافه الحروف امزاعله الچلمات
چن صار السكوت اعليهن امحتم
اهو ابحيرة صمت لو خرسة الحچايات
لو عگدة لسان ابغصّته املعثم
حفر بير الصبر من شاف گاعه اتبور
ولمن دار وجهه البير گام انطم
لان شاف الشواطي اتيبست باليآس
خلّص مايها وظل يجري بيها الدم
وطن وحده ابحرب والدنيا كلها اعليه
بيمن ينتخي ويا كصّة تتحشم
وطن حتى ابفرح ما شابه الباقين
ثغره اعله النوايب قالبه امرهّم
عكس حتى الشمع لو راده يضوي البيت
يهفت من يشعله ويبگي بيته اظلم
گطع خيط الامل ما راد لاجله ايعيش
من بابه اعله ناسه ايشاهده امحرّم
طلّگ نظر عينه وما يريد ايشوف
سرب غربان دهره البشر امحزّم
وطن گطرات ماي اصبحت ناسه البيه
تبدت بالوطيه وصعب ما تلّم
احمد العتابي
العراقي
جرح ينطي لجرح راية نزيف الدم
ويبگه ابناي حزنه ايناغم البلسم
يگله الـ هالوطن طيفك يمر يا يوم
ملّ ايريد راحة ابوكت ما يرحم
خلص وانباع عمره ابرخص طاري السوم
وايشوف ابرگبته انبرد سيف الهم
يدگ حنظل زمانه وچفه هاون موت
ومن عنده اشيقدم لازمن يلهم
يغص بانفاس صدره ومن يريد ايگوم
حيله بدون حيل ولو مشه امگرّّم
يفك الجام خيله ولنها بالمگلوب
ترجع بالعكس واردود تتلجم
يخف منگال جدمه امسابگ اوي الليل
حتى ايطر صباحه الـ بالظلام انظم
حتى ايشوف شمسه الما بگت تنشاف
وبلچي ايشوف ثغره ابضحكه يتبسم
على اشفافه الحروف امزاعله الچلمات
چن صار السكوت اعليهن امحتم
اهو ابحيرة صمت لو خرسة الحچايات
لو عگدة لسان ابغصّته املعثم
حفر بير الصبر من شاف گاعه اتبور
ولمن دار وجهه البير گام انطم
لان شاف الشواطي اتيبست باليآس
خلّص مايها وظل يجري بيها الدم
وطن وحده ابحرب والدنيا كلها اعليه
بيمن ينتخي ويا كصّة تتحشم
وطن حتى ابفرح ما شابه الباقين
ثغره اعله النوايب قالبه امرهّم
عكس حتى الشمع لو راده يضوي البيت
يهفت من يشعله ويبگي بيته اظلم
گطع خيط الامل ما راد لاجله ايعيش
من بابه اعله ناسه ايشاهده امحرّم
طلّگ نظر عينه وما يريد ايشوف
سرب غربان دهره البشر امحزّم
وطن گطرات ماي اصبحت ناسه البيه
تبدت بالوطيه وصعب ما تلّم
احمد العتابي
العراقي
» ألبوم الصور من سوق الشيوخ
» نبذة مفصلة عن قبيلة بني كعب العربية
» امارة بني كعب @@
» العترة الطاهرة ، والدعوة الى الإستمساك بها
» سجدتي السهو،الشك في ركوعات الصلاة @@
» لمعهد التقني ناصرية يوزع النتائج النهائية للعام ألدارسي 2009- 2010
» قبيلة بني خيقان من اكبر واقدم عشائر الناصرية
» دعاء معرفة الإمام المهدي ( عليه السلام )